Video
Read full review
2022-10-30
841 views
今次一行3人黎到豪宅商場既酒樓飲早茶😎9點鐘黎到，等左10分鐘左右先有位😂人手唔夠，安排有少少混亂值得一讚係呢度檯與檯之間都有一定距離，唔錯😌不過黎呢度食野，餐具一定要洗乾淨，係碟上見到有汁液同飯粒😰星期一至五早茶7~11am, 茶錢每位$8都有唔少特價點心同孖寶，幾抵食😃仲有比較特別既京式點心，下次會試下😁==========🔹尚宴蝦餃皇 $23竟然係有4粒，好抵食😍每粒有3~4隻蝦，蝦肉算爽口有蝦味，肥豬肉唔多，調味剛好👍🏻蝦餃皮算薄，乾濕度適中，仲幾有咬口，可能因為太薄，所以夾既時候容易穿🤭遺憾冇筍尖推介指數：8/10==========🔹蟹籽燒賣皇 $22蟹籽份量唔多，有少量香菇，蝦肉都有2隻左右，蝦肉都係爽口😋佢個豬肉肥瘦適中，冇豬騷味成粒燒賣唔會太乾身，幾油潤推介指數：9/10==========🔹懷舊雞球大飽 $17而家已經好少地方有呢款點心咯黎到時真係好驚喜，個包真係同我塊面咁大架🤣仲唔會包多肉少個餡真係超足料，有雞肉（一件件完整既），豬肉（半肥瘦），冬菇，雞蛋，芹菜，蔥花等味道夾得好好，有芹菜係度帶香左成個餡，包質鬆軟有回彈力😍17蚊真係超級超值，一個人當早餐都夠哂呀
9點鐘黎到，等左10分鐘左右先有位😂
人手唔夠，安排有少少混亂
值得一讚係呢度檯與檯之間都有一定距離，唔錯😌
不過黎呢度食野，餐具一定要洗乾淨，係碟上見到有汁液同飯粒😰
星期一至五早茶7~11am, 茶錢每位$8
都有唔少特價點心同孖寶，幾抵食😃
仲有比較特別既京式點心，下次會試下😁
==========
🔹尚宴蝦餃皇 $23
竟然係有4粒，好抵食😍
每粒有3~4隻蝦，蝦肉算爽口有蝦味，肥豬肉唔多，調味剛好👍🏻
蝦餃皮算薄，乾濕度適中，仲幾有咬口，可能因為太薄，所以夾既時候容易穿🤭
遺憾冇筍尖
推介指數：8/10
==========
🔹蟹籽燒賣皇 $22
蟹籽份量唔多，有少量香菇，蝦肉都有2隻左右，蝦肉都係爽口😋
佢個豬肉肥瘦適中，冇豬騷味
成粒燒賣唔會太乾身，幾油潤
推介指數：9/10
==========
🔹懷舊雞球大飽 $17
而家已經好少地方有呢款點心咯
黎到時真係好驚喜，個包真係同我塊面咁大架🤣
仲唔會包多肉少
個餡真係超足料，有雞肉（一件件完整既），豬肉（半肥瘦），冬菇，雞蛋，芹菜，蔥花等
味道夾得好好，有芹菜係度帶香左成個餡，包質鬆軟有回彈力😍
17蚊真係超級超值，一個人當早餐都夠哂呀😆
推介指數：9.5/10
==========
🔹鮮竹牛肉球 $17
肉質彈牙，有牛肉味☺️
肉裡面有淡淡既果皮味同好香既芫茜令成個牛肉球生色不少
喼汁味道唔過酸同咸👍🏻
略嫌係個鮮竹唔係太香
推介指數：9/10
==========
🔹五式點心拼盤 $19
又一抵食之選
燒賣，鮮蝦菜苗餃，蠔皇叉燒包，潮州粉果同薑汁千層糕各一件
菜苗餃個皮略嫌有d 濕同黏，但裡面材料幾新鮮好味
千層糕有微微薑汁味，甜度適中，非常煙韌😙
蠔皇叉燒包個包同雞球大包一樣口感，叉燒肥瘦適中，蠔皇汁唔會過甜而且蠔皇味好出🤩
朋友食粉果，都係話個皮同菜苗餃一樣較濕同黏，但餡料係好味既
推介指數：7.5/10
==========
🔹時菜鯪魚球（超值孖寶，每份$31)
肉質係彈牙而且有魚味，加左芫茜令味道更清香🤤
豉油調較過，唔過咸
推介指數：8/10
==========
🔹咸魚肉餅飯（超值孖寶）
飯既份量最少有平日飯碗既碗半，超抵食😄
鹹魚比較硬身，而且唔係太香，不過呢個價錢真係冇得要求
肉餅份量都唔少，幾有口感，唔係霉肉
仲有兩件南瓜做配搭
飯粒乾濕度適中，呈現粒粒分明狀態😊
推介指數：7.5/10
==========
埋單$168, 性價比好高，仲有野打包走😂😂😂
Post
