愛家素食 (淘大商場) (Closed)

喺淘大都已經開業多年，每次經過都想試吓。今日終於一試，買外賣返屋企食。餐廳夠平民化，多款素食選擇，價錢抵食！▶️咖喱薯仔🥔素蝦飯$47非常之足料！咖喱夠辣，有好多薯仔、菇、紅蘿蔔🥕等等。鍾意佢配上紅米飯，健康又好食！▶️脆皮炸腐皮扒飯$57腐皮扒炸得阿香脆，咬開幾鬆脆。一份有三件，仲有醬汁。飯或麵送玄米茶/凍豆漿，加＄2改轉湯。是日老火湯：木瓜雪耳南北杏。非常之足料好飲，而且好滋潤。呢間素食用心製作，價錢又抵食，健康之選！曲奇好好食，非常香脆！有伯爵茶、牛油、朱古力味。