Video
Read full review
2023-05-22
985 views
一入到去都聞到有啲攻鼻嘅香料味，但整體覺得抽風都已經算唔錯，而枱面地下都算乾淨，無油淋淋，我哋6個人坐卡位都舒服，但見店中間嘅位可能就背脊貼背脊，迫夾少少，仲有啲4人枱擺𨋢口😂😂 坐𨋢口嘅話都幾慘🙊坐低後店員有介紹用餐嘅次序，先任食雞煲，然後上一盆海鮮，最後就上燉湯，再用返個湯食任食手切牛火鍋！•🥢 $268/person📸 招牌大亂斗(雞煲)一開始上雞煲，任食嘅，食完可以再refill，我哋叫咗2煲！上枱係一煲醃好嘅生雞肉同配料(洋蔥、辣椒、豆卜、秀珍菇)，雞煲要每2分鐘炒1次，總共炒4次，都要啲耐性等同炒，不過炒第一煲嘅時候店員無提我哋電磁爐嘅火力，開大咗嚟炒就燶燶地lu😂 第一煲都幾多肉，但refill之後就多咗少少骨，但都可以接受。個雞煲其實都幾好食，因為有唔太食得辣嘅屋企人，所以叫咗bb辣，麻辣味好淺，而係比較重孜然味；有啲花椒粒，味道稍濃，但食得雞煲都預咗~ 📸海鮮盛宴海鮮拼盤係喺廚房蒸好再上枱，有6款海鮮: 鮑魚、扇貝、蟶子、半隻開邊蝦、魚片同蜆，海鮮按人頭份量，上枱果下都幾澎湃！質素正常，不過比較細隻，但呢個價錢包咁多野食喎，算很不錯😌 海鮮主要配粉絲、大量生蒜同蔥蒸，
坐低後店員有介紹用餐嘅次序，先任食雞煲，然後上一盆海鮮，最後就上燉湯，再用返個湯食任食手切牛火鍋！
•
🥢 $268/person
📸 招牌大亂斗(雞煲)
一開始上雞煲，任食嘅，食完可以再refill，我哋叫咗2煲！上枱係一煲醃好嘅生雞肉同配料(洋蔥、辣椒、豆卜、秀珍菇)，雞煲要每2分鐘炒1次，總共炒4次，都要啲耐性等同炒，不過炒第一煲嘅時候店員無提我哋電磁爐嘅火力，開大咗嚟炒就燶燶地lu😂 第一煲都幾多肉，但refill之後就多咗少少骨，但都可以接受。個雞煲其實都幾好食，因為有唔太食得辣嘅屋企人，所以叫咗bb辣，麻辣味好淺，而係比較重孜然味；有啲花椒粒，味道稍濃，但食得雞煲都預咗~
📸海鮮盛宴
海鮮拼盤係喺廚房蒸好再上枱，有6款海鮮: 鮑魚、扇貝、蟶子、半隻開邊蝦、魚片同蜆，海鮮按人頭份量，上枱果下都幾澎湃！質素正常，不過比較細隻，但呢個價錢包咁多野食喎，算很不錯😌 海鮮主要配粉絲、大量生蒜同蔥蒸，中間仲有啲烏冬添！
📸滋補火鍋
個湯係蟲草花烏雞燉湯，每人裝咗一大碗都仲有半煲，湯都幾濃味，偏鹹咗少少，但幾足料同好飲嘅，而且飲完唔會好頸渴！飲完湯可以叫加水/湯再打邊爐~ 不過加咗水之後隔咗好幾個字個湯都唔太滾得起，好難打到邊爐就同店員反映下，佢有解釋瓦煲同電磁爐傳嘅熱個問題已經加咗鐵片去導熱，不過都可以照換個正常煲繼續打邊爐~
邊爐配料正常，有幾款丸類、菇、蔬菜、豆腐、牛柏頁、響鈴同魚皮等，最正係燉湯底淥菜好鮮甜😋
📸手切牛頸脊/黑毛豬肉
Like FB/ IG 就可以任食手切牛頸脊，啲牛幾好食，好有牛味，厚薄適中，叫咗幾輪質素都差唔多，係偶爾有幾片肥啲! 而黑毛豬肉就普通啲，食咗1碟就無再叫lu~
🌟推薦度： 8.5/10
Post
