夏麵館 (活@KCC) (Closed)

星期日嘅KCC 人流極少，最適合慢慢食，慢慢歎個優質又優惠嘅午餐，個人推介 - 夏麵館先講店舖位置，此店位置@KCC 8樓，連接葵興地鐵站，搭地鐵嚟全程有冷氣，落雨都唔怕濕身 。由於位於工商業區，主要客源係附近嘅工廠，寫字樓員工。所以平日放工後、星期六/日，人流都唔多，基本上唔駛等位，非常吸引！夏麵館嘅午市套餐連星期日都有，套餐有小食/點心，主食 - 麵/飯，飲品，價錢由$54 - $80，想豐富啲可以加$ 升級小食/點心，又可以加$ ＋甜品，配搭多元化，豐儉由人。今日二人行，所以有兩款點心，我哋點咗涼拌粉皮，生煎包（2個），排骨擔擔麵 x2，凍豆漿 x2。涼拌粉皮 - 粉皮晶瑩爽口，配香濃嘅芝麻醬，同清爽嘅青瓜就最夾喇！份量唔少，同坊間一份正價前菜差唔多 生煎包 - 其實個包本身幾好，麵皮略甜鬆軟，菜肉餡鹹味適中，只可惜唔係即叫即煎，而係略為煎過放入保温備用，所以外皮非常油膩 排骨擔擔麵 - 炸豬扒出準參差！我點咗兩份，其中一份非常鬆脆，但梳打粉味濃郁 另一份相對較乾，但就冇梳打粉味 之前去另一分店，都有同樣問題，希望師傅們以後可以輕手啲啦！至於擔擔麵嘅湯底，係「賣飛佛」，花生醬