Video
Read full review
2018-12-25
2873 views
臨近聖誕，公司通常都會來一個節日聚餐輕鬆一下本身以為24/12，點知原來有幾個同事24/號都仲要出去做嘢，於是改早左再星期五食，當賀埋冬至；本身有唸住叫pizza外賣，但原來有同事晚上親友gathering 都係叫pizza，所以就決定外出覓食不過又由於臨近冬至，新蒲崗的餐廳多一早爆滿又難等大枱位，唯有向外求，直奔往九龍城區，同事發現富豪東方的意廊有semi buffet，咁都幾好，main course + 沙律bar 及冷盤 放題，咁main course 是即叫即整，有別於普通buffet一早整好一盤，確保新鮮炮製即日book 一行6人都有位，1點鐘到達時，餐廳其實都唔係好多客人，畢竟九龍城區也沒有太多office，又或太多選擇平日的lunch semi buffet $118起，主菜選擇也有不少，從海鮮的香煎鱸魚、大蝦帆立貝，至羊架牛扒都有，想食得casual點，也可以選擇 燒牛肉法包三文治面薯條，大家點完餐後，都立即叠埋心水前往沙律吧沙律吧為處於餐廳正門的位置，不算很大，但麻雀雖小 五臟俱全，Cold cut 、沙律菜、特色沙律之類煙鴨胸厚肉，油脂甘香而不膩；Ham plat
本身以為24/12，點知原來有幾個同事24/號都仲要出去做嘢，
於是改早左再星期五食，當賀埋冬至；
本身有唸住叫pizza外賣，但原來有同事晚上親友gathering 都係叫pizza，所以就決定外出覓食
不過又由於臨近冬至，新蒲崗的餐廳多一早爆滿又難等大枱位，唯有向外求，直奔往九龍城區，
同事發現富豪東方的意廊有semi buffet，
咁都幾好，main course + 沙律bar 及冷盤 放題，
咁main course 是即叫即整，有別於普通buffet一早整好一盤，確保新鮮炮製
即日book 一行6人都有位，1點鐘到達時，餐廳其實都唔係好多客人，
畢竟九龍城區也沒有太多office，又或太多選擇
平日的lunch semi buffet $118起，
主菜選擇也有不少，
從海鮮的香煎鱸魚、大蝦帆立貝，至羊架牛扒都有，
想食得casual點，也可以選擇 燒牛肉法包三文治面薯條，
大家點完餐後，都立即叠埋心水前往沙律吧
沙律吧為處於餐廳正門的位置，不算很大，
但麻雀雖小 五臟俱全，
Cold cut 、沙律菜、特色沙律之類
煙鴨胸厚肉，油脂甘香而不膩；
Ham platter，我試了中間沒有甜椒那款，意外的易入口，不會鹹
特色沙律中，這款蜜糖南瓜野菌沙律十分有驚喜，
南瓜本身夠清甜，加上少少蜜糖提味，更覺香甜，
我也忍不住再食多一轉；
沙律吧的另一邊就是 沙律配料及各種醬汁
小巧的沙律吧竟也有這麼多的選擇，
不亞於平常酒店的份量
是日餐湯 南瓜忌廉濃湯
餐包用暖燈照著，麵包種類都有2-3款
站在旁邊都聞到陣陣麵包香氣，
於是我第一輪都忍唔住夾左一圓型小麥餐包加少少沙律同cold cut
餐包是備受全部同事讚賞，無論是圓形或是係長型，
有人在主菜來前忍不住encore一次，
粟米蛋餅外型不俗，但沒有餐包的驚喜，所以被比下去了
同事分別點了香煎鱸魚
我也嚐了一點，肉質煎得實淨，不鬆散，
與稍酸的蕃茄醬十分夾
西冷牛扒 7成熟，中間確實做到略呈粉紅
肉質夠冧，牛味也不賴，
但略感份量稍少，
所以主菜後，有男同事要再出左去拎多轉沙律吧
而我的則點了 燒牛肉法包三文治 伴薯條
確實是比較輕盈的選擇，我仲將個薯條happy share 比大家
車打芝士味道不太濃郁，燒牛肉味淡，
法包質地一向是稍硬兼乾身，中間有沙律菜搭配，補足濕潤感
整體感覺也不錯，
薯條則十分搶手，即炸，外脆內軟，
油溫夠，所以多餘油份沒有反索回薯條內
簡單以黑椒、鹽調味，剛剛好的味道
跟餐還有甜品：牛奶布甸
甚有驚喜的甜品，奶味香濃，甜度適中
從杯底一看，原來加了雲呢嗱籽，怪不得味道如此吸引
總體來說，是性價比十分高的酒店半自助午餐呢
餐廳內部環境也是一個吸引點
Post
