狸屋台屋

Open Now

Now Closed

其實每次傷腦筋食咩時，我都好快閃出日本野，應該係我比較中意日本菜掛。今次又係去太古行街，行之前一定要食飽喎，時間尚早，唔想等位就黎到狸屋台屋。入到去裝修係好家庭feel的，感覺幾舒服，不過唔夠冷氣。叫左魚生飯，魚生算新鮮，而且種類算多，平民價錢大大碗好抵食啊！辣豚肉石鍋飯。。呢個好惹味，適中嘅麻辣度岩哂我，豚肉唔係話好優質，但中等價錢食到咁嘅質素，好唔錯㗎啦！不過食到尾有點油膩（笑）什錦天婦羅就冇咁好啦！粉漿厚左啲啊！仲有油左啲添，有待改善喔！最後個燒鯖魚就冇咩特別，對於唔愛好食魚嘅我係接受到果陣魚味的，起碼我冇覺得佢腥，但就燒得乾左少少啦。