湯•米 (Changed Hand) New Restaurant

打邊爐最開心就係可以一人一鍋，見到咁多款湯底揀，而且仲有芝士茶供應，就入去試試。揀咗個藥膳牛肉鍋，一飲個湯底非常滿意！有藥膳味之餘又唔會有苦味，好清甜但又唔會好淡味，呢個價錢有呢個質素真係好抵食！個鍋面頭有牛肉，底下有好多材料，包括紅棗，杞子，娃娃菜，椰菜，雲耳，金菇，冬菇，豆腐，豆角，粟米，炸魚皮，炸薯仔，炸枝竹，鵪鶉蛋同嗚門卷，可以話係咩都有，仲可以跟個粉絲，食完超飽呀！男友人就揀濃味嘅咖哩奶蓋鍋，市面少見，聞到好香咖哩味，入面嘅材料同我嗰鍋一樣。另外加咗個鹽酥雞扒，好香脆又惹味！飲品叫左芝士茶茶八號，都唔差喎！芝士奶蓋好幼滑，好夾個茶底。男友人就試芝芝桃桃，啖啖桃肉，出乎預料嘅好味，唔怪得咁多人等位啦。