Video
Read full review
2017-03-07
968 views
放工後同事相約銅鑼灣行街，係金百利廣場發現新開左一間台式餐廳，8點左右座無虛席，感覺應該唔錯掛。剛好有一枱人客離開，好快有得座低。雖然係台式餐廳，原來都有西餐食。剛剛大出血完，睇落仲係台式晚飯套餐抵食D我揀左鳳梨糖醋魚柳，鐘愛咖哩既同事叫左濃香咖喱肉排。跟餐有魚湯時蔬、前菜、白飯同飲品。魚湯哇哇菜魚湯唔腥，哇哇菜清新，加上鮮紅杞子令人覺得健康，美中不足係唔夠熱。麻辣牛舌有驚喜！軟腍中有咬口，好味！同事極贊既雞翼都唔錯！鳳梨糖醋魚柳想唔到咁大碟，份量十足！魚柳肉質結實鮮嫩，鳳梨食落好鮮甜，帶有清新鳳梨香味！酸甜可口！濃香咖喱肉排薄薄粉漿外脆內軟，熱辣辣既感覺，但咖喱稍嫌唔夠辣，辣多少少可能會提升咖喱既香味。生薑雪梨茶（熱）從來無想過生薑同雪梨會夾，飲落好順喉，好舒服。女人有兩個胃，講得一D都無錯，原價30多元既甜品跟餐只係加12元。上：北海道起司餅下：栗子蒙布朗推介栗子蒙布朗，栗子蓉香濃軟滑。下次會再去，品嚐其他美食！😋
剛好有一枱人客離開，好快有得座低。
雖然係台式餐廳，原來都有西餐食。剛剛大出血完，睇落仲係台式晚飯套餐抵食D我揀左鳳梨糖醋魚柳，鐘愛咖哩既同事叫左濃香咖喱肉排。跟餐有魚湯時蔬、前菜、白飯同飲品。
魚湯哇哇菜魚湯唔腥，哇哇菜清新，加上鮮紅杞子令人覺得健康，美中不足係唔夠熱。
麻辣牛舌有驚喜！軟腍中有咬口，好味！
同事極贊既雞翼都唔錯！
鳳梨糖醋魚柳想唔到咁大碟，份量十足！魚柳肉質結實鮮嫩，鳳梨食落好鮮甜，帶有清新鳳梨香味！酸甜可口！
濃香咖喱肉排薄薄粉漿外脆內軟，熱辣辣既感覺，但咖喱稍嫌唔夠辣，辣多少少可能會提升咖喱既香味。
生薑雪梨茶（熱）從來無想過生薑同雪梨會夾，飲落好順喉，好舒服。
女人有兩個胃，講得一D都無錯，原價30多元既甜品跟餐只係加12元。
上：北海道起司餅下：栗子蒙布朗
推介栗子蒙布朗，栗子蓉香濃軟滑。
下次會再去，品嚐其他美食！😋
Post
