小胖台灣便當 (偉華中心)

Open Now

Now Closed

琴日係沙田附近行街買野，見出面好大雨係附近商場食埋野先反屋企，見到呢間台灣野個名好特別，入去食下先。我叫左個紅燒牛頰肉便當🩷🩷🩷🩷🩷加配鹽酥雞同芙香蘋果茶。個牛頰肉係帶點甜辣味好濃紅燒醬味，搭配得非常惹味。而且佢都配搭幾多蔬菜，好健康。同埋幾清甜啲蔬菜，又唔會太滯。個鹽酥雞炸得脆卜卜面上有啲椒鹽味好正！加埋個清香蘋果茶完全好清新唔漏。另外叫左三杯蜜汁烤雞便當 🩷🩷🩷🩷🩷加冬瓜茶佢啲雞扒加左蜜汁燒，甜甜地好滋味，而且佢即叫即整啲雞扒好多肉汁流出黎，同埋雞肉都好結實但又好嫩滑。叫埋杯冬瓜茶呢個冬天飲一流同埋暖笠笠又唔會太甜。之後去沙田食野又多左個選擇了😂👍🏻