桂花小幸 (將軍澳廣場)

Open Now

Now Closed

呢度嘅台灣菜真係抵食！佢地嘅紅燒牛筋三寶台灣麵係我最喜歡嘅一款，麵條彈牙，湯底香濃，有牛肚、牛腩及牛筋。微辣嘅味道更加提升咗整體口感。另外，佢地嘅雞翅膀滷肉飯同滷水豆腐都唔錯！雞翅膀滷得入味，配上飯食真係絕配。滷水豆腐亦都好滑嫩，湯汁入味，一碗飯配住呢個，真係幸福感爆棚😙飲品方面，佢地嘅蜜桃烏龍多多同百香果Q Q綠茶大大杯。蜜桃烏龍多多有淡淡嘅茶香同桃味，清爽又解渴；而百香果Q Q綠茶有香濃嘅綠茶味同帶點酸酸甜甜嘅百香果口感😎最後，鹽酥花枝丸外皮酥脆，內裡彈牙，花枝嘅鮮味加上鹽酥嘅香脆口感，好香。呢度嘅台灣菜真係物超所值。食物份量足夠，價錢又合理。