Video
Read full review
2023-07-06
683 views
見好耐無去九龍城，諗住搵下嗰頭有無咩好野食啦⋯⋯點知落車就落雨，即刻乜mood都無曬。唔想淋住雨搵食，唯有求衝去九龍城廣場hea食算了，咁⋯⋯就搵到呢間台式食店啦。開餐啦1. 台式風味系列餐 $68 （麵食）+ $14（茶）* 鹽酥雞台式肉燥麵* 南投桂花烏龍 鹽酥雞 同麵係分開上既，鹽酥雞有一飯碗既份量，唔知係咪跟餐關系，舊雞既尺寸係比較細件既，係女仔可以一口食到既尺寸。粉漿同雞肉比例ok，炸得好乾爽，唔油膩。雞肉食落唔乾柴，調味夠，咬落勁香脆，極之邪惡呀。而個 台式肉燥麵 呢，係撈麵黎。一上枱，見到碗面同蛋都唔係好夠色水，d肉燥一粒粒咁，d汁又好似好水咁，有d伏伏地既感覺⋯⋯咁叫左都要食架⋯⋯咁就先啪粒旦！咦？原來又OK架WoW! 係我膚淺，雖然佢淺色，但原來係夠滷味架。 Sorry, 我係唔應該以貌取旦既。啪完蛋，輪到個麵啦！先將d麵同碟底既汁狂撈先！ 咦？原來個麵幾正架WOW, 麵身幼過米線少少，質地軟身既，但軟得來食落係有少少軟糯感，唔係死林嗰種。個麵都好索汁下，所以條條麵都索滿滷汁，所以食落都好夠味。而肉燥呢，佢用左半肥瘦既豬粒，你單獨食佢一粒粒肉係屬軟淋同夠味既，但撈麵
開餐啦
1. 台式風味系列餐 $68 （麵食）+ $14（茶）
* 鹽酥雞台式肉燥麵
* 南投桂花烏龍
鹽酥雞 同麵係分開上既，鹽酥雞有一飯碗既份量，唔知係咪跟餐關系，舊雞既尺寸係比較細件既，係女仔可以一口食到既尺寸。粉漿同雞肉比例ok，炸得好乾爽，唔油膩。雞肉食落唔乾柴，調味夠，咬落勁香脆，極之邪惡呀。
鹽酥雞肉燥麵
$68
13 views
0 likes
0 comments
而個 台式肉燥麵 呢，係撈麵黎。一上枱，見到碗面同蛋都唔係好夠色水，d肉燥一粒粒咁，d汁又好似好水咁，有d伏伏地既感覺⋯⋯
咁叫左都要食架⋯⋯咁就先啪粒旦！咦？原來又OK架WoW! 係我膚淺，雖然佢淺色，但原來係夠滷味架。 Sorry, 我係唔應該以貌取旦既。
啪完蛋，輪到個麵啦！先將d麵同碟底既汁狂撈先！ 咦？原來個麵幾正架WOW, 麵身幼過米線少少，質地軟身既，但軟得來食落係有少少軟糯感，唔係死林嗰種。個麵都好索汁下，所以條條麵都索滿滷汁，所以食落都好夠味。而肉燥呢，佢用左半肥瘦既豬粒，你單獨食佢一粒粒肉係屬軟淋同夠味既，但撈麵或飯既話，個肉燥烹得溶d會好d，如果整到半溶既豬油連汁同肉碎掛到上麵就更正d. 不過，呢個價錢，同份量，很可以架啦。
鹽酥雞肉燥麵
$68
18 views
0 likes
0 comments
加錢換支 南投桂花烏龍 飯，佢係樽裝冷泡茶, 一大枝飲唔晒可以拿左飲！個桂花味好香，飲落順口清香又解渴解油膩，幾好。
南投桂花烏龍
$14
27 views
0 likes
0 comments
2. 原味鍋貼 * 5件 $16
碟鍋貼 係跟朋友個 牛肉麵餐叫既，只要加16蚊就有，好抵食！一碟5件，條條長過男士手指公架。鍋貼皮薄，煎到好靚，只煎一面，咬落去一面香脆，一面帶點軟韌既口感，內餡無乜肉汁，但肉肉內餡十分飽滿，食落充滿肉香，正！
原味鍋貼
$16
31 views
0 likes
0 comments
3. 肉燥青菜 $21
個菜….就麻麻地，因為都幾硬….唔知係唔夠熟定點，食落仲有少少青草味，有肉燥汁都攪唔掂，下次我應該唔會加錢叫菜。
肉燥青菜
$21
36 views
0 likes
0 comments
呢間台食店既坐位格局 同連鎖快餐店差唔多，速食格局，無打咭位。我8點鐘食，唔洗等位，舖內約1/3既枱剩。
食物上枱既速度可以，一樣接一樣上，食物上枱都係溫熱既，如果無飯食，唔想食得好貴，想hea食，又怕悶唔想食普通連鎖快餐店，咁佢都係一個唔錯既選擇既。
奉上餐單：
Post
