牛一 (始創中心) (Moved) New Location

平時最鍾意嘅就係食午餐放題，因為價錢真係平晚餐嘅一半有多。而我今日就同朋友食我經常食嘅豚肉火鍋放題，＄62包括左一碟豚肉同其他配料任食。仼食配料選擇都多，有魚蛋，花枝丸，墨魚丸，年糕，豆腐，同各式各樣嘅粉面，仲有和牛咖哩炒飯。花枝丸彈牙，美味。我最欣賞既仲有粒魚蛋裏釀左年糕，好煙un。飲品無限添飲，仲有綠茶雪糕同乳酪雪糕任食，加上好多toppings， 好抵，加埋一都只係＄70。不過呢個火鍋放題只能限食60分鐘有，有d趕，但質數唔錯。