廿人木糰子專賣店 (Closed)

琴日同朋友係旺角食完飯, 雖然好飽肚但心郁郁想食糖水好多餐廳堂食都要一人嗌一份, 所以我哋就走咗去廿人木糰子專門店買甜品 廿人木糰子專門店嘅店面唔係好大, 而且只做外賣, 大食妹同朋友就企咗喺店舖隔離面壁咁share甜品<白玉奶茶>我哋嗌咗份白玉奶茶 廿人木嘅白玉奶茶 有好多配料, 例如奶茶雪糕、奶茶凍、白肉同紅豆 奶茶雪糕同奶茶凍味道濃郁, 食落清涼 白玉軟Q軟Q, 紅豆蓉甜甜地, 配上白玉食落唔錯 最重要係成份甜品只係賣28蚊, 非常親民