Video
Read full review
2015-04-26
2947 views
心血來潮想同妹妹tea一tea，但又唔想同人迫，就搵吓屋企附近有咩食啦。上網見到呢度有，就試吓啦。餐廳唔係好多人，雖然只係2樓，但望住個公園d花花草草，其實個view都唔差。每人$130左右嘅afternoon tea set，初頭我哋都唔抱太期望，但嚟到時竟然有驚喜！3層嘅tea set，上面係日式小食，有天婦羅壽司，芝士蛋，清酒煮螺同燒三文魚乾。螺肉好甜但三文魚乾有少少苦（係我唔識食？），壽司同芝士蛋都好味。第一層都未食完，都無為意原來仲有鵝肝多士，件鵝肝好大件呀，有d驚訝，$130竟然包件咁大件嘅鵝肝？？味道仲要唔錯。之後食第3層，個酒煮啫喱我覺得麻麻哋，反而個蝴蝶蘇唔錯，好香芝麻味 跟住再上多個紅豆hotcake。嘩，咁多嘢嘅 不過可能放耐咗，個hotcake有少少乾，我估佢上枱時即刻食應該會ok好多。食埋中間層甜點，好鐘意個chocolate cake，好濃朱古力味呀，個napoleon 都唔錯呀，好脆，但cheesecake 我本身唔太好，所以唔多評價喇。macaron係一般嘅甜，唔鐘意太甜嘅記得「搶」個粉紅色嚟食，我估係raspberry,少少酸感覺無咁甜。埋單加埋一
每人$130左右嘅afternoon tea set，初頭我哋都唔抱太期望，但嚟到時竟然有驚喜！3層嘅tea set，上面係日式小食，有天婦羅壽司，芝士蛋，清酒煮螺同燒三文魚乾。螺肉好甜但三文魚乾有少少苦（係我唔識食？），壽司同芝士蛋都好味。
第一層都未食完，都無為意原來仲有鵝肝多士，件鵝肝好大件呀，有d驚訝，$130竟然包件咁大件嘅鵝肝？？味道仲要唔錯。
之後食第3層，個酒煮啫喱我覺得麻麻哋，反而個蝴蝶蘇唔錯，好香芝麻味 跟住再上多個紅豆hotcake。嘩，咁多嘢嘅 不過可能放耐咗，個hotcake有少少乾，我估佢上枱時即刻食應該會ok好多。
食埋中間層甜點，好鐘意個chocolate cake，好濃朱古力味呀，個napoleon 都唔錯呀，好脆，但cheesecake 我本身唔太好，所以唔多評價喇。macaron係一般嘅甜，唔鐘意太甜嘅記得「搶」個粉紅色嚟食，我估係raspberry,少少酸感覺無咁甜。
埋單加埋一，每人130蚊，仲有杯飲品，服務態度都好好，實在唔明點解咁少人食，係咪無乜賣廣告所以無人知？去過其他酒店食，三四百蚊一個人都試過，但我絕對唔覺得呢度一百幾十蚊有幾差，希望之後多d人知將軍澳區都有大件夾抵食嘅afternoon tea set啦。
Post
