潤禧茶餐廳

Open Now

Now Closed

做我讀書嘅時候潤禧就已經喺度，經過咗好多年其實都立不倒，只知道好多年前轉咗手。老實講食物質素比原先上一手實在差好多，不過勝在價錢算係區內數一數二平同埋以填飽個肚嚟講呢個係一個好嘅選擇。如果嚟呢度幫襯我會推薦大家食早餐，平靚快正，其次晏晝就去食佢嘅蒸餸，但係千祈唔好食牛扒雞扒，因為真係好地獄。佢嘅蒸魚蒸排骨蠔仔粥都係店入面我覺得最好食嘅東西。成間餐廳最高分數嘅就係員工態度好好，包括老闆娘自己都會禦駕親征落手落腳喺度。淨係呢一點挽回了不少分數。