Video
Read full review
2023-12-15
26 views
有時心血來潮想食粉麵，台灣嘢都係唔錯嘅選擇，台式料理嘅麵條同湯底都做得好出色，另有一番風味！呢間台式料理有幾間分店，價錢超抵而且出品都幾好，裏面裝修簡約，有兩幅壁畫，座位幾闊落坐得舒服。餐廳主打紅燒牛肉麵、台式火車便當同拌麵，而且仲可以用優惠價加配多款台式小食，性價比超高，平日晚市都有唔少人外賣拎走！-----------------------------🍜◖蕃茄牛筋丸麵◗ $78有五大粒牛筋丸，牛筋丸彈牙牛味香濃，而且帶有適當嘅油香。另外仲加咗一個溏心蛋（+$8），裏面嘅溏心超吸引🤩，半凝固狀態，帶有醬油香，蛋味香濃！揀咗台式粗麵，佢係粿條嗰種質感，比較有咬口，滿滿嘅麥香，蕃茄湯底亦都好濃郁，質地黏稠，湯汁完全掛滿麵條，超級引！🐖◖古早味厚切排骨便當◗ $68呢個台式火車便當做得幾精緻，有酸蘿蔔、芽菜、椰菜，另外仲有半個滷蛋同台式香腸做配菜，再放上大大塊嘅厚切排骨，超滿足！便當用上珍珠米，飯粒分明而且有咬口；厚切排骨啖啖肉，味道微甜，邊位燶脆，有少少似食緊叉燒咁！🐂◖紅燒三寶湯◗ $80有牛筋、牛腩同牛腱，超大碗超多料！牛三寶煮得軟腍夠入味，食落口滿滿嘅膠質，個底仲有啲油麥菜，吸滿
-----------------------------
🍜◖蕃茄牛筋丸麵◗ $78
有五大粒牛筋丸，牛筋丸彈牙牛味香濃，而且帶有適當嘅油香。另外仲加咗一個溏心蛋（+$8），裏面嘅溏心超吸引🤩，半凝固狀態，帶有醬油香，蛋味香濃！揀咗台式粗麵，佢係粿條嗰種質感，比較有咬口，滿滿嘅麥香，蕃茄湯底亦都好濃郁，質地黏稠，湯汁完全掛滿麵條，超級引！
🐖◖古早味厚切排骨便當◗ $68
呢個台式火車便當做得幾精緻，有酸蘿蔔、芽菜、椰菜，另外仲有半個滷蛋同台式香腸做配菜，再放上大大塊嘅厚切排骨，超滿足！便當用上珍珠米，飯粒分明而且有咬口；厚切排骨啖啖肉，味道微甜，邊位燶脆，有少少似食緊叉燒咁！
🐂◖紅燒三寶湯◗ $80
有牛筋、牛腩同牛腱，超大碗超多料！牛三寶煮得軟腍夠入味，食落口滿滿嘅膠質，個底仲有啲油麥菜，吸滿晒紅燒湯，好食！
🍧◖荔液滿白峰◗ +$28
🌼◖桂蜜躺雪山◗ +$28
佢嘅芋圓有荔枝同桂花兩隻味，都好抵食，跟餐加$28就食到！兩款配料基本都差唔多，有仙草底，加上芋圓同雲呢拿雪糕。荔枝嗰隻味放上荔枝味爆爆珠，另一個口味就喺仙草上面淋上桂花蜜，個人比較鍾意桂花口味，味道清香而且整體冇咁甜，香氣更加有層次！
🍵◖泡沫紅茶◗ +$8
跟餐嘅嘢飲真係好抵，茶味都幾濃郁，帶有微微嘅澀味。
🌟Encore指數：8.6/10
Post
