千の味刺身壽司專門店 (海福花園商場) (Closed)

呢間餐廳位於大圍一個屋苑入面既商場,主要係做外賣既,外賣食物既款式,種類都好多,仲有定食套餐,份量係好大份同抵食.今次我買左一客八件既火炙壽司,有芝士火炙蝦,蟹柳,鰻魚,仲有最多人鏗意既三文魚同軟淋既左口魚,火炙之後既半熟口感唔錯,另外仲叫左一客炸蝦壽司卷,三文魚籽既飯面加埋香脆既炸蝦口感香口,同埋仲有唔少得既五品刺身,五款唔同既刺身,甜蝦彈牙,帶子好厚切,呢間餐廳既食物只需買滿$300就可以送貨到指定地點。