肥仔海南雞專門店 (開源道) (Closed)

見到觀塘之前新開海南雞飯，喺巧明街街頭，位置好方便，只做外賣。之前有日收工想買盒試下，但原來收8點半，上次無緣食到，今次收早專登去買黎食吖！6點幾落到去買，已經好多人放工黎Order,至少有3-4個order半隻海南雞，都幾受歡迎啊！本身自己想試咖哩牛腩飯，但店員話已經賣哂，咁我就order泰式元蹄飯$40一打開盒飯，嘩～份量超級多！$40送埋湯其實好抵，唔怪之得咁多人買啦！元蹄皮爽口，但就略嫌肉有點”鞋”，個汁甜甜地都好送飯呀！會比好評係因為整體都算唔錯吖！下次會試埋海南雞同咖哩牛腩，買輕量版我諗都夠食！