Video
Read full review
2020-03-20
1046 views
最近新型肺炎疫情依然嚴峻，所以唔少同事都會選擇買外賣返公司食。前幾日外賣左點心，今日經過康強街，喺橫巷發現呢度開左間「得龍生哥美食」。 見到張賀年招紙寫住「得龍大飯店」，問過門口個阿姐，原來呢間真係早前結業嘅粵菜老店「得龍大飯店」所開嘅外賣店。反正午飯還沒想到吃甚麼，一於試下。餐牌只有 5 款外賣快餐，今次揀左個臘腸排骨飯同一份小食：沙爹豬皮特大魚蛋。見到啲阿姐全部都有戴口罩同手套，感覺衛生，令人食得安心。去左附近公園抖下氣，一個人慢慢食。臘腸排骨飯 ($40)：跟飯會附送盒裝飲品，蒸餾水或例湯。今日例湯係青紅蘿蔔粟米豬骨湯，雖然等左一段時間先飲，但係湯身仍然熱辣辣，味道清淡而不油膩，真材實料，最重要是飲完沒有乾涸感覺，肯定無落味精。排骨好鮮味，臘腸惹味但唔鹹，豉油杰得嚟甜甜哋，最鍾意就係可以按自己嘅喜好而調教豉油的份量。沙爹豬皮特大魚蛋 ($15)：魚蛋雖然只有 3 粒，但粒粒都大過乒乓波，食落爽口彈牙，有咬勁，質感實在。豬皮夠腍，而且仲好入味，最正就係啲沙嗲汁，辣中帶甜，非常香濃，令食物嘅味道昇華到另一個層次。店舖另外有做盆菜外賣，有機會一定要試下。
見到張賀年招紙寫住「得龍大飯店」，問過門口個阿姐，原來呢間真係早前結業嘅粵菜老店「得龍大飯店」所開嘅外賣店。反正午飯還沒想到吃甚麼，一於試下。
餐牌只有 5 款外賣快餐，今次揀左個臘腸排骨飯同一份小食：沙爹豬皮特大魚蛋。見到啲阿姐全部都有戴口罩同手套，感覺衛生，令人食得安心。
去左附近公園抖下氣，一個人慢慢食。
臘腸排骨飯 ($40)：跟飯會附送盒裝飲品，蒸餾水或例湯。今日例湯係青紅蘿蔔粟米豬骨湯，雖然等左一段時間先飲，但係湯身仍然熱辣辣，味道清淡而不油膩，真材實料，最重要是飲完沒有乾涸感覺，肯定無落味精。排骨好鮮味，臘腸惹味但唔鹹，豉油杰得嚟甜甜哋，最鍾意就係可以按自己嘅喜好而調教豉油的份量。
沙爹豬皮特大魚蛋 ($15)：魚蛋雖然只有 3 粒，但粒粒都大過乒乓波，食落爽口彈牙，有咬勁，質感實在。豬皮夠腍，而且仲好入味，最正就係啲沙嗲汁，辣中帶甜，非常香濃，令食物嘅味道昇華到另一個層次。店舖另外有做盆菜外賣，有機會一定要試下。
Post
