日の苑西日式外賣專門店

Open Now

Now Closed

朋友同我買完嘢後，自稱被公司急call，就係佐敦拋低了我....，說好的晚餐呢😮‍💨？！好彩係佐敦行下行下，見到間日式外賣專門店。於是把心一橫，決定今晚買外賣返屋企慢慢食。日の苑西日式外賣專門店，除咗有壽司🍣、刺身🐟外，仲有便丼🍱同埋和食飯類🍛等，選擇都幾多。Set B $69三文魚腩壽司 x2三文魚壽司 x2鰻魚壽司 x1帶子壽司 x1蟹籽壽司 x1北哥貝沙律壽司 x1壽司組合一共有5️⃣個set，今次試咗佢地嘅Set B，整體質素令人非常滿意🥰，啲壽司飯唔會係又凍又難食嗰種😋，當中三文魚腩🐟有驚喜。三文魚帆立貝刺身飯 $78厚切三文魚，新鮮又肥美😍，魚油香味十足🥰。帆立貝大大粒，非常鮮甜，口感柔軟😋。秘製豬頸肉飯 $53豬頸肉🐖份量唔少，質感軟嫩彈牙，濕潤油脂豐腴🤗，配搭秘製醬汁，佐飯一流😋。