相馬日式火鍋 (Closed)

同男朋友朋友去西營盤《相馬日式火鍋》打邊爐🍲！120分鐘任食，我哋星期一去，每位＄268+1，兩個人夾埋＄600都唔駛，有超多野食，仲有多種汽水和飲品任飲。叫左個蕃茄湯，濃底濃郁，滿滿蕃茄，酸酸甜甜，超正超開胃。美國特選牛肩胛超正，肉味濃，油脂和肉的比例平衡得非常好，淥幾秒就食得，入口好易咬開👍新鮮海鮮有帶子，蝦🦐，蟹柳，青口，螺🐚，蜆，魷魚🦑，龍蝦🦞，超多選擇。蝦超正，淥完紅卜卜，蝦肉鮮甜爽口，好滋味。螺肉又甜又有咬口。龍珠啖啖肉好味到不得了！各種單骨雞翼🐔雞翼有六種口味，我一定唔會放過佢，有芝士味，辣味，醬油味，蒜味，香草味，原味，隻隻都好好味😋雞翼炸得超靚，又大隻，皮脆肉嫩！