蚊蚊豬老火鍋 (Closed)

天氣寒冷，真係最好食火鍋，朋友推介呢間深水埗蚊蚊豬火鍋，今天是平日，去到都要等位，應該冇揀錯。坐低後，員工好詳細解釋俾我哋聽，首先窩底是任食，除咗羊腩煲其他叫幾多次都冇所謂，有烤魚，有雞煲，仲有好多唔同湯底，我就選擇先來半隻麻辣雞煲。雞煲好足料，芫荽洋蔥蒜頭樣樣齊，麻辣好balance。食完雞煲其實已經飽咗一半，跟住再嚟豬骨湯底。佢先送一盤刺身，食完之後鍾意邊一款可以再叫。佢啲象拔蚌好新鮮，我同朋友叫咗三轉。食完刺身，在海鮮打邊爐，鮑魚海蝦青口白鱔。自選蔬菜假蔬菜選擇有好多，牛肉仲有挂門柳，肥牛，安格斯牛。食物選擇真係好多咁嘅價錢性價 比高。