波士冰室 (Closed)

今晚同朋友行完沙咀道間中南文具店後，行過對面見到這間冰室，再望望門口個餐牌都有喜歡嘅選擇於是入去了，餐廳內在裝修好有懷舊冰室感覺！座位闊落有卡位，圓枱等選擇，人唔多可以自己選，人多就可能由店員協助，今晚就係座卡位😊落單都係同店員落單，點了晚市套餐醬爆茄子牛肉同黑椒牛仔骨煲兩款套餐，都包了中式餐湯同白飯一碗，飲品可以加錢升級，一個升級了阿華田沙冰，一杯熱奶茶，落單後追加了件椰撻，這裡另一樣出名嘅地方就係現場烘培，椰撻個底都十分鬆脆，椰絲足料，配埋杯香滑熱奶茶，感覺就可似以前做細路跟家人飲下午茶嘅感覺！醬爆茄子牛肉嘅茄子炒得十分香軟，加埋大大塊軟滑牛肉片，加上白飯十分配合，而黑椒牛仔骨煲就更加惹美，燒紅了嘅熱煲上放了炒得十分牛仔骨，配上黑椒炒超入味香濃！這裡都算抵食大份，朋友最後還加多了一份西多士，西多內塗滿了粗粒花生，加上溶化了嘅牛油，同糖漿一齊入口，真係完美嘅一晚！