Video
Read full review
2022-05-29
592 views
中午行咗去紅磡食飯，之前成日經過「紅椒力量」，但幫襯都係第一次。我喺門口睇佢一系列嘅餐牌已覺得花多眼亂🙈，午餐選擇超過二十款，鹹蓋港式滋味同埋東南亞風情。店員非常好客，見我哋頭痕嘅樣子，就主動作出介紹👍。午餐除咗選擇多之外，價錢亦都好相宜，人均消費四五十蚊就搞掂，難怪有咁多街坊幫襯。新加坡海南雞飯($51)，套餐內容好完整🥢，有齊例湯、香油飯同三色醬料。先講海南雞，雞肉好入味，肉質夠嫩滑，雞皮爽而不膩，師傅好手勢🐔，但扣分位係並非去骨，唔啱我呢啲小朋友食，講笑啫，哈哈。🍚油飯令人喜出望外，齋睇色水覺得無乜特別，不過原來勁香，油份適中，飯質軟熟。唔鍾意食飯嘅我都成碗食晒！至於例湯就屬正常水平啦，唔味精嘅。美式什扒($78)，呢個餐係我同事點，大食嘅佢食完都話飽晒🤰。菜式擺盤精美，絕對唔係求其將啲肉放埋一齊。食雜扒可以一次過滿足多個願望，集豬扒、牛扒、雞扒、雞翼、香腸同火腿於一身，切都切到手軟啊。🍕肉嘅質素都唔差，唔係用鬆肉粉醃到過晒火嗰種。醬汁要咗洋蔥汁🧅，幾惹味，分開上可自己控制落幾多。伴菜有手切薯條同瓜菜，唔夠食仲可以加$10要飯或者意粉。扒餐跟餐包同羅宋湯，兩樣都唔馬虎。🥖麵包熱辣
中午行咗去紅磡食飯，之前成日經過「紅椒力量」，但幫襯都係第一次。我喺門口睇佢一系列嘅餐牌已覺得花多眼亂🙈，午餐選擇超過二十款，鹹蓋港式滋味同埋東南亞風情。
店員非常好客，見我哋頭痕嘅樣子，就主動作出介紹👍。午餐除咗選擇多之外，價錢亦都好相宜，人均消費四五十蚊就搞掂，難怪有咁多街坊幫襯。
新加坡海南雞飯
$51
8 views
0 likes
0 comments
新加坡海南雞飯($51)，套餐內容好完整🥢，有齊例湯、香油飯同三色醬料。先講海南雞，雞肉好入味，肉質夠嫩滑，雞皮爽而不膩，師傅好手勢🐔，但扣分位係並非去骨，唔啱我呢啲小朋友食，講笑啫，哈哈。🍚油飯令人喜出望外，齋睇色水覺得無乜特別，不過原來勁香，油份適中，飯質軟熟。唔鍾意食飯嘅我都成碗食晒！至於例湯就屬正常水平啦，唔味精嘅。
美式什扒
$78
9 views
0 likes
0 comments
美式什扒($78)，呢個餐係我同事點，大食嘅佢食完都話飽晒🤰。菜式擺盤精美，絕對唔係求其將啲肉放埋一齊。食雜扒可以一次過滿足多個願望，集豬扒、牛扒、雞扒、雞翼、香腸同火腿於一身，切都切到手軟啊。🍕肉嘅質素都唔差，唔係用鬆肉粉醃到過晒火嗰種。醬汁要咗洋蔥汁🧅，幾惹味，分開上可自己控制落幾多。伴菜有手切薯條同瓜菜，唔夠食仲可以加$10要飯或者意粉。
扒餐跟餐包同羅宋湯，兩樣都唔馬虎。🥖麵包熱辣辣，口感鬆軟；而湯品就好足料，酸酸哋令人開胃。
飲品方面🥤，凍飲加$3，特飲加$10，即使加埋飲品都仲係好平。我要咗珍多冰，大大杯，冰涼消暑，椰香味濃🥥，又唔會太甜。同事要咗凍咖啡，佢話都OK。
總括嚟講，🌶紅椒力量係抵食夾大份嘅代表，食物質素不俗，價錢大眾化，絕對可以一再到訪。最後，雖然呢度環境無好靚嘅裝修，但整體都算乾淨企理，客人坐得舒服😀。
Post
