十二味 (赫德道)

Open Now

Now Closed

同frd黎十二味，連鎖餐廳，之前食過幾次質素穩定。酸菜魚配寬粉酸菜魚嘅湯底微微酸辣，魚肉滑嫩。配埋寬粉，吸滿湯汁，口感一流。酸酸地都好開胃。嵊州老麵小籠包6只以為係上海小籠包，後來先知係肉包。27蚊有6個超抵食啊。Q彈魷魚須10串魷魚須烤得剛好，外脆內嫩，口感彈牙。調味唔算重，可以食到魷魚本身嘅鮮甜，非常惹味。涼拌土豆絲涼拌土豆絲挺爽口，帶有少許酸辣，十分醒胃。土豆絲切得均勻，保持咗爽脆嘅口感，唔會過軟。紅油雞片紅油雞片帶有濃郁嘅麻辣香氣，雞肉嫩滑，香味十足。紅油香而不辣，底下好多青瓜，雞肉都好多。泡椒黃喉脆螺片呢道菜用泡椒調味，帶出鮮辣嘅味道，黃喉同脆螺片都非常爽脆。香辣開胃。食咁多埋單都係6百幾蚊，超級抵食。而且服務無錯，幾好坐。