越北牛肉粉專門店 (Closed)

平時見到佢嘅午餐下午茶都好抵食，琴日晏晝就去食咗好滿足嘅一餐。🍴河內香茅雞扒 配湯河 $60雞扒真係好香香茅味，仲有少少蔥油同埋炸蒜，啖啖肉，仲可以加啲是拉差辣醬食。河粉份量都好多，軟硬程度適中，係好食嘅河粉，湯底好越南，加埋青檸同辣椒好惹味。午餐優惠凍飲只係+3，叫咗凍檸茶。🍴酸辣無骨鳳爪 +$28呢個都係午餐嘅優惠小食。$28來講都份量好多，鳳爪好爽口，酸辣恰到好處，好開胃尤其是而家夏天熱辣辣。