茶舍 (北帝街)

Open Now

Now Closed

餐廳位於轉角位，玻璃外牆令環境更光亮。廚窗放有甜點，非常吸引。下午5點左右外賣，店內已經坐滿哂人，亦有唔少人買外賣，人流多。餐牌仲有多款飯、麵、下午茶包類，花多眼亂，飲品新穎，唔係得普通茶飲揀。黑松露野菌海鮮比薩($62)，比預期既大份，冇諗過餐廳售賣pizza。重點係，餡料多到邊食邊跌出黎。一打開好香黑松露味，魷魚圈、蘑菇、粟米等滿滿鋪係pizza面頭。值得一讚既係，醬汁夠，所以食個陣唔會覺得乾。原條脆魚柳包($42)，大大條魚柳炸得香脆，肉滑。麵包夾住蕃茄片、生菜，配搭醬汁食唔會膩。紙盒裝住個包，唔會令麵包散之餘，仲可以令食客好整齊咁拎。百搭自選餐($42)，一口西多士炸到金黃色，每塊都淋有奶醬，唔會過甜，西多士有厚度，軟軟的口感。唔會食完覺得熱氣/油膩。香煎雞扒肉質嫩，煎完雞皮少少焦香，煎完都juicy，唔錯。跟餐加$16就可以追加甜品，抹茶芝士蛋糕茶味甘，入口後茶味慢慢帶出。栗子慕絲蛋糕甜而不膩，外層栗子蓉屬硬身，而內層cream幼滑，3層一齊食口感不錯。加$18亦可將餐飲升級，見到餐牌既星級特飲賣相好靚。餐廳好貼心，外賣飲品有兜分隔2杯，而且杯身硬，比平時既手搖飲品，更加實淨