鳳城酒家 (Closed)

秋風起，令人想食大閘蟹同蛇羹，今次鳳城推出呢個團購餐包含晒所有秋冬進補的食物，除左大閘蟹同蛇羹外，仲有羊腩煲，糯米飯，絕對係一次過滿足晒所有願望 食物唔差，不過上菜出左問題，我地等齊人先叫上菜，但等左成個鐘，眼見隔離枱差唔多叫上菜的，都食到七七八八，追左好多次，其中一個先話寫錯枱號，所以先無上過菜…… 第一道先嚟的係脆皮鹵豆腐，由於大家等到好肚餓，好快就狂風掃落葉清左 接住就黎主角之一，大閘蟹，三四両重，雖然細細隻，但蟹膏勁多，係度食蟹腳時都有蟹油流出黎，d蟹肉都好鮮甜 之後陸續上蛇羹，豆苗，羊腩煲，糯米飯，好滿足的一餐