Video
Read full review
2024-10-16
689 views
. #哈比四圍食 #銅鑼灣 #銅鑼灣美食 #🦀瘋狂食蟹嘅季節😝呢間連續獲得七年米芝蓮推介嘅餐廳，我記得上年都好似有嚟過都唔錯今年又再同朋友嚟食，見到佢大閘蟹套餐都好抵，最平$588 已經包括兩隻大閘蟹、前菜、主食、甜品，不過今次我哋就選擇咗散叫😁🦀 大閘蟹 $138/一隻餐廳職員會好細心問你需唔需要手套🧤但因為政府相關嘅政策會對需要收取$1，唔緊要啦😆大閘蟹每隻大約五兩左右，有三款口味，包括 清蒸、油煎、花雕，因為今次唔想食太濃味嘅關係，就揀咗原汁原味嘅清蒸同埋比較香口嘅油煎，真係每隻都好多膏，啲膏仲好香滑，蟹肉鮮甜，配埋黑醋更加鮮味🥢 蟹黃炒米粉 $138想講呢度平時食開嘅炒米粉真係一流，今次大閘蟹季節竟然有限定嘅蟹黃炒米粉，炒得非常均勻同埋乾身，而且米粉係彈牙唔係啲好嚡嘅米粉🐷 鮑魚紅燒肉 $188大約五件肥美嘅紅燒肉，係睇得出有五至六層嘅豬腩肉位，層層分明，但係入口即溶，再配埋新鮮嘅鮑魚，交換白飯就perfect，如果人數比較多可以額外以$38加購鮑魚🐟 鹹香黃花魚 $88成條魚炸到好香脆，連魚骨都係炸到脆卜卜可以食埋，箇中鹹鹹香香嘅味道真係送酒一流➡️莆田 (利舞臺廣場) (銅鑼
#哈比四圍食 #銅鑼灣 #銅鑼灣美食 #🦀
瘋狂食蟹嘅季節😝呢間連續獲得七年米芝蓮推介嘅餐廳，我記得上年都好似有嚟過都唔錯
今年又再同朋友嚟食，見到佢大閘蟹套餐都好抵，最平$588 已經包括兩隻大閘蟹、前菜、主食、甜品，不過今次我哋就選擇咗散叫😁
🦀 大閘蟹 $138/一隻
餐廳職員會好細心問你需唔需要手套🧤但因為政府相關嘅政策會對需要收取$1，唔緊要啦😆大閘蟹每隻大約五兩左右，有三款口味，包括 清蒸、油煎、花雕，因為今次唔想食太濃味嘅關係，就揀咗原汁原味嘅清蒸同埋比較香口嘅油煎，真係每隻都好多膏，啲膏仲好香滑，蟹肉鮮甜，配埋黑醋更加鮮味
🥢 蟹黃炒米粉 $138
想講呢度平時食開嘅炒米粉真係一流，今次大閘蟹季節竟然有限定嘅蟹黃炒米粉，炒得非常均勻同埋乾身，而且米粉係彈牙唔係啲好嚡嘅米粉
🐷 鮑魚紅燒肉 $188
大約五件肥美嘅紅燒肉，係睇得出有五至六層嘅豬腩肉位，層層分明，但係入口即溶，再配埋新鮮嘅鮑魚，交換白飯就perfect，如果人數比較多可以額外以$38加購鮑魚
🐟 鹹香黃花魚 $88
成條魚炸到好香脆，連魚骨都係炸到脆卜卜可以食埋，箇中鹹鹹香香嘅味道真係送酒一流
➡️莆田 (利舞臺廣場) (銅鑼灣)
銅鑼灣波斯富街99號利舞臺廣場7樓A號舖
Post
