泰亞萊海南雞專門店 (Closed)

中午喺荔枝角去咗食海南雞飯嘅外賣，平時都排長龍，出名抵食，佢隻雞做得非嫩滑，最緊要份量夠多，價錢都係$48，仲可以加$3就有冰檸檬冰，龍眼冰及椰汁特飲。此店的雞皮做得爽脆，肉夠多汁，全部雞已經去骨，非常之滑。最重要他的醬汁唔係普通嘅貨色，有泰式香料，辣椒，姜不同嘅香料混合，感覺似是釀制過的，有一點陳年嘅味道，所以酸辣汁感覺好內斂不會死咸。可惜油飯的南姜香茅蒜頭的香味都不夠，油份就爭少少。飲品方面，椰汁及龍眼冰係最多人嘅選擇，味道非常之濃郁。之前試過豬手飯感覺就像少少，味道有點豬燥味，而且口感太軟，有啲似煲湯豬肉。不過以價錢來說真係冇得頂，大家仲可以買半隻海南雞外賣，都不失為一個晚飯外賣的選擇。