茶餐廳2.0 (Closed)

茶餐廳2.0每逢lunch都座無虛席，好多附近返工嘅都會過嚟呢度食嘢。食物款式有好多，有傳統嘅港式午餐、日式、西餐、馬來咖喱等等，價錢合理，午餐大概50幾蚊至到70幾蚊。我同同事忽然間好想食扒餐，所以就嗌咗一份商務套餐嘅香煎法式羊架（三支架）$98，我揀咗跟薯菜同埋忌廉湯，一上嚟真係嚇親，勁大堆！羊架勁大枝啖啖肉，肉質鮮嫩，肥瘦適中，真係超美味！我同事就叫咗招牌雜扒餐$108，呢個扒餐相當豪華海陸空有齊，有串蝦、豬扒、牛扒、雞扒、法蘭克福腸同埋火腿，份量都係超級多，可能地盤佬都食唔晒。其中牛扒同埋豬扒最好食😋跟餐仲有丹麥牛油多士，牛油香味融入掃脆嘅多士入邊，咬咗兩啖先記得影相添扒餐飯後仲有甜品，係朱古力cream格仔餅，大滿足！