臺坊 (加拿分道) (Closed)

今日去尖沙咀搵食，係厚福街街頭有間台灣野，入面格局整整齊齊，要先係收銀比錢叫餐，後坐低，等侍應送餐，台灣出名既牛肉麵好吸引，但我冇試，台灣菜之中我都鍾意食乾伴麵，今次就試一試佢嘅豬扒肉燥伴麵，同埋炸花枝丸。食物大概10分鐘上枱，豬扒肉燥伴麵個麵底都大大份，豬扒厚切，肉燥都多，肉燥好有台式既味道，仲有半邊鹵水蛋，唔錯！至於炸花枝丸，有5粒，即叫即炸，花枝丸彈牙，佢係花枝丸外面灑了台灣獨有既椒鹽調味粉，諗起去台灣夜市時食嘅炸雞排果種味🤤🤤🤤諗起都流口水，果花枝丸食唔停口吖，味道一流下次一定要試佢嘅牛肉麵，湯底好香濃，牛肉冧身，睇見都想食吖雖然冇得飛去台灣食正宗嘅台灣野，唯有食住頂下癮先啦。