齊柏林熱狗店 (鱟地坊) (Closed)

先不論政治立場，一間好食嘅小店應該賦與支持！呢間熱狗開喺一個超隱閉唔係住荃灣嘅都唔知呢度有野食嘅地方！食過一次會想再番黎食嘅熱狗～好大件～料又夠，又有小食配搭～第一次食緊係要試下佢個招牌熱狗：火炙芝士辣肉腸肉醬熱狗～一打開個盒我就呆左，哇，咁大件我食唔食得哂...啲芝士配肉醬好好食！不過有少少咸，條腸似係司華力腸，都係咁大條。我仲要配埋薯條同粟米..最後我係食唔哂。 薯條個醬真係好好食！一定要叫！食過番尋味，再去試第二次，今次叫嘅係日式和風熱狗，個醬好似食緊八爪魚丸咁～因爲有木魚喺面～不過配嘅腸冇火炙果隻腸好食～私心希望腸仔可以換下下次要試埋其他味～排隊時間真係有啲耐，可能大住個肚實在不宜久站，第一次食等左半個鐘有多（因為又多人又有網上外賣平台)...第二次想叫網上外賣平台,但被取消order...可能人太多佢地做唔切..唯有老公去買..佢話人少啲等15分鐘左右。