Video
Read full review
2022-08-12
226 views
每次行過番茄18嘅將軍澳分店，都想試呢間茶餐廳。我今日去開觀塘，有啲時間，又見番茄18原來喺觀塘工業中心都有分店，所以就上咗去試吓。唔使入去工業區入面，喺觀塘站地鐵D3出口一落就係啦。但我行錯咗入工業中心嘅貨lift入邊，要行返出嚟，原來係呢個入口入去，上一層樓梯就最快。佢哋個餐牌真係好多嘢揀，我呢個時間去，午餐，下午茶，特色小食都可以揀。樣樣都好吸引，所以好貪心咁唔點套餐，而點左三個小食，諗住佢哋出名嗰啲都可以試吓。用QR code點餐，好快佢哋就上咗杯華田脆脆。QR code點餐嘅時可以揀埋少冰或走冰，少甜或走甜。杯特色阿華田，上面落咗好多阿華田脆粉，好似食緊阿華田餅乾碎咁，好滋味。之後就嚟咗佢哋嘅招牌木糠花生醬多士。忍唔住一口氣食咗四粒木糠多士，一咬落去，上面啲木糠令到個多士比普通嘅炕多士更加之脆。我有嘗試淨係食上面嗰啲木糠，但係都食唔出嗰啲係啲乜嘢嚟，可能係威化餅掛，但係又比威化餅實啲。創意十足，十分之值得試。佢哋另一招牌菜——瑞士雞翼，$38有五隻雞翼好抵食。雞翼好入味，食到唔停口。麻辣雙色餃子。好似紅油抄手咁，一上枱就好香麻辣味。撈埋啲蒜蓉蔥同麻辣醬，非常之野味。黃色嘅係粟
唔使入去工業區入面，喺觀塘站地鐵D3出口一落就係啦。但我行錯咗入工業中心嘅貨lift入邊，要行返出嚟，原來係呢個入口入去，上一層樓梯就最快。
佢哋個餐牌真係好多嘢揀，我呢個時間去，午餐，下午茶，特色小食都可以揀。
樣樣都好吸引，所以好貪心咁唔點套餐，而點左三個小食，諗住佢哋出名嗰啲都可以試吓。
7 views
0 likes
0 comments
用QR code點餐，好快佢哋就上咗杯華田脆脆。QR code點餐嘅時可以揀埋少冰或走冰，少甜或走甜。杯特色阿華田，上面落咗好多阿華田脆粉，好似食緊阿華田餅乾碎咁，好滋味。
華田脆脆
$26
13 views
0 likes
0 comments
華田脆脆
$26
10 views
0 likes
0 comments
之後就嚟咗佢哋嘅招牌木糠花生醬多士。忍唔住一口氣食咗四粒木糠多士，一咬落去，上面啲木糠令到個多士比普通嘅炕多士更加之脆。我有嘗試淨係食上面嗰啲木糠，但係都食唔出嗰啲係啲乜嘢嚟，可能係威化餅掛，但係又比威化餅實啲。創意十足，十分之值得試。
木碎花生多士
$25
10 views
0 likes
0 comments
木碎花生多士
$25
8 views
0 likes
0 comments
佢哋另一招牌菜——瑞士雞翼，$38有五隻雞翼好抵食。雞翼好入味，食到唔停口。
瑞士雞翼
$38
8 views
0 likes
0 comments
麻辣雙色餃子。好似紅油抄手咁，一上枱就好香麻辣味。撈埋啲蒜蓉蔥同麻辣醬，非常之野味。
麻辣雙色餃子
$33
12 views
0 likes
0 comments
黃色嘅係粟米豬肉餃，有粟米嘅甜味。白色嘅係白菜豬肉餃。
麻辣雙色餃子
$33
11 views
0 likes
0 comments
雖然喺工廠大廈入面，但係茶餐廳鋪面好光猛整齊乾淨，我留意到今日廚房同侍應都係全女班，侍應都好有禮貌好溫柔。
Post
