Video
Read full review
2008-06-20
142 views
大家已有默契, 無論結果如何, 都會食餐飯, 慶祝+慰勞一下!!這裏最就腳, 但要食小菜的話, 一定要預訂位及套餐. 上一次唔知, 來到只有碟頭飯可以揀.一行16人, 點了這裏的全包宴, 味道不錯, 而且份量亦足. 雖男士佔絕大部份, 仍夠吃.川芎元肉杞子桑拿蝦 : 一上檯, 超勁的蒸氣湧出, 連碟蝦都睇唔到... 蝦本身幾新鮮爽口, 隻隻size都好平均, 聞落好香酒味同元肉味, 但食落就唔太突出.蝦子鮑片金錢扒生財 : 即平時去飲的飽片生菜, 不過加左蝦子則多了一份鮮味喜氣洋洋新疆火焰羊架 : 是全檯人也嘩然的一道, 雖然中間的火焰與羊架無咩關係, 但就有氣勢囉. 我唔食羊, 唔知味道, 但見鄰坐友人吃得滋味, 應該唔差.香江百合腰果西芹帶子 : 腰果香口, 西芹唔硬, 帶子唔算好大隻但厚身, ok!阿拉斯加長腳蟹 : 這個是 +$600 轉的. 平時凍食蟹腳多, 中式煮法則睇一次. 這裏用了葱蒜炒, 好入味, d葱更惹味, 不少人用來送飯.霸皇雞 : 皮下脂肪唔厚, 雞肉入味亦幾嫩滑, 面層的一大堆葱絲又係伴飯之選.佛跳牆 : 唔要翅轉呢款. 試了點, 湯料足夠鮮味,
這裏最就腳, 但要食小菜的話, 一定要預訂位及套餐. 上一次唔知, 來到只有碟頭飯可以揀.
一行16人, 點了這裏的全包宴, 味道不錯, 而且份量亦足. 雖男士佔絕大部份, 仍夠吃.
川芎元肉杞子桑拿蝦 : 一上檯, 超勁的蒸氣湧出, 連碟蝦都睇唔到... 蝦本身幾新鮮爽口, 隻隻size都好平均, 聞落好香酒味同元肉味, 但食落就唔太突出.
蝦子鮑片金錢扒生財 : 即平時去飲的飽片生菜, 不過加左蝦子則多了一份鮮味
喜氣洋洋新疆火焰羊架 : 是全檯人也嘩然的一道, 雖然中間的火焰與羊架無咩關係, 但就有氣勢囉. 我唔食羊, 唔知味道, 但見鄰坐友人吃得滋味, 應該唔差.
香江百合腰果西芹帶子 : 腰果香口, 西芹唔硬, 帶子唔算好大隻但厚身, ok!
阿拉斯加長腳蟹 : 這個是 +$600 轉的. 平時凍食蟹腳多, 中式煮法則睇一次. 這裏用了葱蒜炒, 好入味, d葱更惹味, 不少人用來送飯.
霸皇雞 : 皮下脂肪唔厚, 雞肉入味亦幾嫩滑, 面層的一大堆葱絲又係伴飯之選.
佛跳牆 : 唔要翅轉呢款. 試了點, 湯料足夠鮮味, 略嫌唔夠熱
清蒸大金鮋 : 條魚沒有蒸過火, ok.
櫻花白雲扒碧綠 : 即蛋白扒西蘭花. 櫻花是指面層灑上的櫻花小蝦乾. 普普通通, 沒太大驚喜.
上湯過橋絲網鮮蝦卷 : 老細話原本是用豬網油炸的, 但要健康, 已改用植物油. 蝦卷好鬆脆, 內餡切成粒粒有口感. 過橋的意思是可以先將蝦卷放在上湯一浸, 老細話可減熱氣呢~
香江黃金裹蒸粽 : 即把裹蒸粽壓扁煎香, 再鋪上木魚片, 老細說此乃得奬菜. 我則覺得除較香口外, 無咩特別.
南瓜椰汁珍珠燉官燕 : 最差的一道. 淡口, 又沒有官燕, 試了一啖便放棄.
生果拼盆 : 只有西瓜, 可來拼盆?
此套餐還包一支紅酒及一渣果汁先生. 盛惠$1580, 足夠14-15人吃, 我地16個都夠飽, 其實都幾抵.
還有這裏有點私房菜feel, 全場只做8圍. 期間老細又不斷走來介紹傾計, 之後又見大廚和鄰檯的講食經, 都幾有趣!!
昨晚剛巧有人慶生日, 老細更熄晒燈, 播晒歌咁送個蛋糕出來呢! 有喜慶聚會的話, 這裏可以一試.
Post
