Video
Read full review
2023-02-02
234 views
太子嘅月橋係食越式河粉，空間雖然狹長，地方唔夠大，但勝在食品CP值高企，吸引好多食客光臨，我都係常客。今日試吓鮮茄魚餅蟹膏金邊湯粉，鮮茄做湯底冇得輸，濃郁鮮甜，魚餅炸得甘香，蟹膏嘅鮮味提升整個金邊粉嘅層次，每啖都有滿足感覺，由於份量勁多，女士可能要share好啲，一個人食晒，可能太飽啦！朋友點咗生熟牛肉配金邊粉，湯頭好清澈，飲落好鮮味，完全係正宗牛肉味，生牛肉一浸即可入口，順滑清甜，淋身冇渣；而厚切牛腩則大大件，有啲趙頭，金邊粉幼身軟滑，完全吸收咗湯汁，好好味。配料十足，有蔥花、芽菜、洋蔥及九層塔，令口感更豐富。跟餐配咗個椰汁紅豆冰，只需半價，抵飲！好有椰汁清香味，甜度啱啱好，紅豆細細粒，香甜夠軟，冰凍解渴。叫一個小食香茅豬頸肉一齊食，豬頸肉切得薄薄地，每片點啲酸汁嚟食，好香口入味，食之不厭。今日法式麵包售罄，想食！唯有再嚟多一次吧！
今日試吓鮮茄魚餅蟹膏金邊湯粉，鮮茄做湯底冇得輸，濃郁鮮甜，魚餅炸得甘香，蟹膏嘅鮮味提升整個金邊粉嘅層次，每啖都有滿足感覺，由於份量勁多，女士可能要share好啲，一個人食晒，可能太飽啦！
朋友點咗生熟牛肉配金邊粉，湯頭好清澈，飲落好鮮味，完全係正宗牛肉味，生牛肉一浸即可入口，順滑清甜，淋身冇渣；
而厚切牛腩則大大件，有啲趙頭，金邊粉幼身軟滑，完全吸收咗湯汁，好好味。配料十足，有蔥花、芽菜、洋蔥及九層塔，令口感更豐富。
跟餐配咗個椰汁紅豆冰，只需半價，抵飲！好有椰汁清香味，甜度啱啱好，紅豆細細粒，香甜夠軟，冰凍解渴。
叫一個小食香茅豬頸肉一齊食，豬頸肉切得薄薄地，每片點啲酸汁嚟食，好香口入味，食之不厭。
今日法式麵包售罄，想食！唯有再嚟多一次吧！
Post
