木子甜品 (Closed)

為食豬已經唔係第一次嚟呢度食糖水，必食嘅係芋圓，可以話係喺香港食過最好味嘅芋圓!仙草2號($19): 19蚊一大碗真係好抵食，仙草味道正正常常，某為食豬話好有仙氣。配料好豐富，有芋圓，蘆薈，豆，芋泥同最特別嘅一球仙草冰。呢度嘅芋圓唔止一團粉咁簡單，紫色有芋頭味，黃色又有蕃薯味，而且軟硬適中。豆亦煮得好粉，芋泥都有少少芋頭粒。唯一要批評係甜咗啲，食到尾會有啲膩，但呢個價錢完全收貨。