星馬屋 (Closed)

今天去左科學園發現嗰度食肆都幾多，主要係提供早、午、晚餐比嗰度返工嘅人。我最終入左一間叫星馬屋的餐廳，嗰度嘅裝修有D似一般嘅茶餐廳，但又乾淨啲，面積就好大了。一睇佢個餐牌，見到佢食物嘅選擇好多，價錢亦都係30幾蚊至70幾蚊不等，一啲都唔貴。最重要係佢嘅下午茶餐大部份都係30幾蚊，仲要係到晚上七點先會停止供應，會包一種主食同一杯熱飲品。另外加$3仲有個湯。下午茶餐嘅份量一啲都冇小到。我叫左個西冷扒意粉加杯熱飲都係40幾蚊，就食得好飽了，味道唔差。總之超級抵食，大家有時間不妨去試吓啦。