漁港薈 (Closed)

天氣開始轉涼，又想個人食得暖粒粒，相信食火鍋就係期中一個選擇，但今晚同朋友就點了這個銀裝海鮮蒸鍋，一枱二食鮮蒸鍋，有個無味精燉湯，入口清新，燉湯內材料十足，接住就係個招牌黃金川辣蟹，原隻蟹斬開，大大件，入口十分入味帶點辣味夠晒惹味刺激！還有脆皮妙齡乳鴿，皮脆肉嫩，呢個二食嘅部份十分滿意，完了就係另一食海鮮蒸鍋，店員上了一碟海鮮拼盤，有生猛嘅韓國大鮑魚，上枱時還不同活動，放到蒸氣鍋內蒸，店員按下計時器到數，唔怕會over，鮑魚肉質十分彈牙爽口，夠晒鮮味！而當中嘅蟶子皇都十分大隻，肉質爽口彈牙鮮味，真係夠晒新鮮！而安格斯手切肥牛亦十分肥美軟滑，入口時個陣濃郁嘅牛肉味道加埋上面嘅肉汁同口感正！還有份粗糧拼盤送上，食埋真係夠晒飽！最後就係個潤喉綠豆沙糖水！咁食法又係一個唔錯嘅選擇！