臻一鮨 (Closed)

臻一鮨🍣今次再嚟到臻一鮨呢間日式餐廳，店長就推介我哋食新出嘅二人餐，套餐比起散嗌價錢都抵唔少，內容都幾豐富，包括有田園沙律（2人份）🥗、三點刺身：三文魚、油甘魚、帆立貝（各2件）🍣、松葉蟹肉加卷（6件）🦀、炸雞軟骨🐔、蟹籽鰻魚炒飯🍛、味噌湯 (2人）🥣、飲品2杯 🍹同埋是日甜品🍮，一般兩個人嘅話，一個二人餐都好夠食🈵🈵呢個套餐入面我最欣賞嘅就係刺身、松葉蟹肉加卷同埋蟹籽鰻魚炒飯！🉑🉑我哋另外仲嗌咗幾件壽司，包括火炙左口魚裙邊壽司🐟同埋飛魚子軍艦，火炙左口魚邊啖啖油香非常好食🤤🤤除咗壽司仲嗌咗一個大阪章魚燒（4粒），佢哋係即叫即整嘅，叫嚟過吓口引都唔錯👍🏻！