露面手工拌麵料理

聽講呢間舖頭啲麵幾抵食，我就過嚟試吓啦，叫咗兩個拌麵套餐，最想讚嘅係兩個小食，分別係拍青瓜同埋麻辣雲耳，拍青瓜嘅調味剛剛好，個蒜頭味唔會太濃，另外個麻辣雲耳做得好出色，尤其鍾意佢個酸味調得適中，配埋啲蔥頭，個酸辣度同埋個層次感係好驚喜嘅。套餐送嘅小吊梨果茶都有一種喜出望外嘅感覺，本身睇個名以為係糖漿溝水，點知原來杯底係有雪梨粒粒加埋雪耳，記得要攪勻先好飲，個甜味就會變得好清新。因為小食同埋飲品都做得幾好，我建議大家叫撈麵套餐試吓。套餐叫咗個油撥辣子魯肉biang biang麵，目測見到都係好多人食，我自己就點咗小辣，我覺得個辣味都好啱我，唔會死辣，但有刺激感，亦都有豆豉味，非常濃郁。肉嘅份量都好多，而且鍾意佢有好厚身嘅炆冬菇喺裏面。Biang biang麵係好食嘅，而且飽肚感十足。聽啲人講話拌麵好肥，咁你都預咗食呢類型嘅嘢係會濃味啲嘅，暫時唔好講健康住。另外一碗叫咗蕃茄牛腩撈麵，不過呢個麵本身係跟幼面嘅，坦白講我覺得biang biang麵啱做撈麵多啲，所以記得唔好慳嗰$3轉返biang biang。仲有份量非常之大，竟然有四大條牛肋條，炆得好腍，酸甜味都幾好食，我覺得如果有碗白飯可能