亞萊泰 (淘大商場3期) (Closed)

今日同阿仔學完結他，阿公阿婆又嚟左接佢，就一行五日去食個Tea,不過其實係early dinner,因為飽到之後dinner都食唔落。呢道地方寬敞，好光猛，淺色系裝修，淺木質桌椅，櫈有厚軟墊，坐得舒服。我哋今日重有大卡位坐，重正！馬沙文咖喱牛腩飯牛腩好淋、好入味，個馬沙文咖喱汁好香，一d都唔辣，送飯食一流。馬沙文咖喱雞扒飯雞扒外層有烤焗過，層雞皮有蜜汁，香脆。個馬沙文咖喱汁好香，配飯食好正。海南雞飯黃油雞飯唔夠香，不過飯質粒粒分明，海南雞算滑嫩，加埋食海南雞既三寶醬食，好夾，好味。喇沙肥牛豆卜湯河個湯底好香味，小辣，帶有酸味，河粉好滑，肥牛又薄又有牛味，配埋豆卜食，啲湯汁朔晒入去，正！泰式扎肉湯河河粉好滑，湯底香濃，扎肉算厚，最驚喜配幾舊豬油渣，個麵嘅層次即刻提升左，好有口感。每個個Tea份量都唔少，個個都有配飲品，飲品有凍檸茶、凍檸水、奶茶、杏霜，全部正常，不過不失。