哈豆

Open Now

Now Closed

星期六都要返工真係有d sad😔，唯有午餐出去食補償下自己🤣。哈豆係觀塘有2間分店，成業街呢間有做套餐，有主食同飲品，加配小食同甜品都好抵阿。 🍴牛肉鮮蕃茄湯麵呢個可以滿足我想食牛肉麵嘅心 加左蕃茄又可以有d新鮮感😆原本以為湯底係普通蕃茄湯 點知係有濃郁蕃茄味嘅牛肉湯好有層次感嘅味道牛腱炆得軟腍 筋部口感豐富膠質💕🍴鹹酥雞拼香腸麻辣乾拌麵好豐富嘅拌麵配菜有油麥菜 芽菜 辣菜圃 油葱酥 鹵蛋幾鐘意佢嘅辣菜圃☺鹹酥雞同香腸都好食 香腸仲有d炸蒜配埋 特別香口 🍴台式滷水豆腐外皮炸到超級索汁！入面係蜂巢質感 口感軟軟滷汁係比較重口味嘅🍴綠茶多多(左)、豆漿(右)綠茶同多多夾埋原來都幾好飲阿👍🍴仙草芋圓雪糕有香芋味雪糕 仙草 同 芋圓經典台式甜品配搭花奶底又幾夾喎😋呢度嘅飲品選擇真係夠晒多，鮮奶茶 豆漿 咖啡 多多都有好多款，最特別係豆漿紅茶，用豆漿代替奶精粉，比起一般奶茶更健康，下午茶時間黎歎返杯野飲都唔錯架。