Sodam Chicken (Closed)

閒日夜晚去食90分鐘放題，每人連加一$185。放題無訂座75折優惠，主menu單點先有。佢係用電話掃QR code落單嘅，每5分鐘最多只可以落一次，應該係怕浪費食物。總體而言食物都好抵食，好好味👍🏻佢唔會因為放題就馬馬虎虎，每一份份量都啱啱好、唔會太大碟，等大家可以試多啲種類。炸雞/焗雞有好多款，外脆內軟。我哋幾乎試勻每種醬料，味道都不錯，無咩伏。（唯一雞蛋裏挑骨頭嘅係，雙重芝士炸雞上面灑啲芝士粉都挺多，但都係唔太夠芝味~）薄餅一塊切開咗4件，用料豐富，可能因為啱啱焗好，個餅皮口感軟熟。水冷麵個湯酸酸哋幾開胃，但個麵底一般。環境都算OK。咁啱我哋個卡位隔離無人坐，所以都坐得舒服。