Aroma Thai Food

Open Now

Now Closed

唔知太子幾時開咗呢間泰國餐廳，第一次食，我同友人叫咗個麵、蝦餅、泰北烤牛肉同其他菜式。（食住等，所以食食吓先影）薄脆蝦餅賣相好吸引，睇落有啲似炸鮑魚呢一共有五塊的～唔算話好細細件，咬落好多蝦肉。泰北烤牛肉惹味、香、唔韌泰式生蝦完全同張宣傳相一樣少少辣only，唔沾醬食都得，唔食得辣嘅應該都啱，新鮮，好食！秘制酸辣鳳爪沙律青鳳爪(?)配大量洋蔥🧅算係今餐點嘅嘢食之中最辣嗰碟，但辣得嚟好食，我覺得辣時即刻食咗生蝦嗰啲苦瓜乾解辣，一流！泰式牛清湯米粉啲米好幼身，牛配料都多我哋另外仲叫左個生菜🥬大大碟好抵食檸檬草南姜飲第一次試呢隻，熱飲喉嚨好舒服，好清香，有啲似得力素檸檬糖隻味，好大杯泰象啤雖然出面都有得買haha，但喺度食飯想啤啤佢都有得order整體嚟講，今餐食嘅都非常唔錯，老老實實, 晚市唔使加一, 唔貴又好食, 真係幾難得, 所以我諗我下次都會再黎試下其他菜！