嚐館 (Closed)

年近歲晚，往九龍城辦年貨，順道在該區開餐；路過見到嚐館餐牌選擇甚多兼抵食，一於試試。茶餐廳風格，簡潔開揚，感覺整潔衛生。晚市小菜套餐有例湯、白飯同熱飲，轉羅宋湯加$5。茄味濃郁，十分開胃。咖喱牛肋條煲$80不論牛肋條及及配菜都份量十足。咖哩香口夠味唔太辣，味菜爽口多汁。牛肋條口感彈牙，味道不錯。豉汁蒸黃立䱽$80原條蒸魚感覺新鮮生猛，見到賣相已食指大動。豉汁調味，咸香提鮮，份外惹味。魚肉質地結實，味道鮮甜，足見用料新鮮。冷熱檸茶，港式茶記經典。二人晚餐有魚有肉只需百多元，街坊價抵食！