The Grill Room (銅鑼灣廣場二期)

今日難得放假，帶媽媽去銅鑼灣行街再吃飯呢間餐飯有午市半自助餐，睇落好吸引，最平$150有卡邦尼意粉、餐湯、飲品再加任食自助bar，環境都好好，最重要母親大人想試下😆自助區有三款沙律，其中一款係純生菜，可以自己加芝士粉、麵包糠、同沙律醬調味，另外一款係紅菜頭沙律，仲有一款係魚生片沙律，三款都好好食，食材尤其生菜好新鮮😋 除左沙律仲有三款小食，有粗薯條、炸雞、同吞拿魚牛油果多士，因為嘢食refill嘅速度都幾快，所以啲嘢食都有溫度，炸物嘅話都仲係脆卜卜👍🏻 另外仲有兩款甜品，朱古力同抹茶味蛋糕🤤主菜我哋揀咗一個飯同一款牛扒牛肝菌蘑菇意大利飯雖然係素食嘅飯，但味道相當濃郁，牛肝菌味道好突出，意大利飯煮得軟硬適中，好好食，母親大人都好滿意燒紐特西蘭10安士肉眼扒呢間餐廳主打牛扒，值得一試，叫咗七成熟，牛扒外皮煎得好香，切開嘅時候仲有好多肉汁，仲係粉粉嫩嫩咁，啱啱好😜飲品有檸檬茶同奶茶兩樣簡，奶茶係西式，奶另外上整體好滿意，嘢食中上，環境舒服，semi buffet嘢食選擇算多，上菜速度又快，值得再黎。