Video
Read full review
2014-12-30
1723 views
以為去元朗食私房菜會好偏僻，但原來有西鐵又ok, J出口直行5分鐘就見到餐廳。環境比想像中好，感覺舒服企理，叫左三樣野：1. 避風塘瀨尿蝦（必試！讚！）又大隻又惹味！啖啖肉！一人一大隻好滿足！大隻到可以一開三～2. 砵酒焗蠔上菜未拆開錫紙已經好香！食落味道不錯，覺得可以再鹹啲～ 洋蔥味好香，但有少少搶左酒味。不過平時只食生蠔嘅我都有清曬呢煲蠔。3. 咖喱蟹煲唔係泰式咖喱，所以無甜味或蛋花，反而有薯仔，送飯一流，唔算辣，鍾意咖喱又怕辣就好啱，想辣啲就可能要落單前講聲。加分位係上菜勁快，而且有糖水送～ 最最最加分位其實係抵食！三樣海鮮都係四百蚊多啲～不過要點海鮮最好預訂（蟹同瀨尿蝦我係預訂嘅），即時叫可能無貨～
環境比想像中好，感覺舒服企理，叫左三樣野：
1. 避風塘瀨尿蝦（必試！讚！）
又大隻又惹味！啖啖肉！一人一大隻好滿足！
大隻到可以一開三～
2. 砵酒焗蠔
上菜未拆開錫紙已經好香！食落味道不錯，覺得可以再鹹啲～ 洋蔥味好香，但有少少搶左酒味。不過平時只食生蠔嘅我都有清曬呢煲蠔。
3. 咖喱蟹煲
唔係泰式咖喱，所以無甜味或蛋花，反而有薯仔，送飯一流，唔算辣，鍾意咖喱又怕辣就好啱，想辣啲就可能要落單前講聲。
加分位係上菜勁快，而且有糖水送～ 最最最加分位其實係抵食！三樣海鮮都係四百蚊多啲～
不過要點海鮮最好預訂（蟹同瀨尿蝦我係預訂嘅），即時叫可能無貨～
Post
