韓正屋韓國料理 (海壩街)

Open Now

Now Closed

今日開ot所以買個外賣自取，家人想食韓國餐，所以去左韓正屋叫左個四人豪華餐。四人豪華餐有人蔘雞，牛仔骨，石頭芝士香辣豬肉飯，鐵板燒辣炒魷魚鬚，韓式無骨豬手，韓式炒粉絲，沙律配豆腐，仲有前菜同提子汁。人蔘雞：成隻雞，有人蔘同飯。湯既味道夠濃好味道。牛仔骨：幾香口有牛味道。石頭芝士香辣豬肉飯：有紫菜，芝士唔算太濃味，加上豬肉連辣醬都唔錯。鐵板燒辣炒魷魚鬚：味道好好，魷魚鬚唔會太硬或太軟。配合起蒜片加生菜醬汁就非常開胃。韓式無骨豬手：啖啖肉，又唔會太肥，味道不錯。韓式炒粉絲：味道不錯，粉絲軟硬適中。沙律配豆腐：豆腐都幾滑身，沙律菜都不錯。前菜：芽豆，波菜都正常。泡菜夠辣。