生記海鮮酒家

Open Now

Now Closed

呢間荃灣酒樓真係抵食又好味，唔講唔知，呢度每道菜都充滿驚喜😍首先，清蒸海珍珠斑$168。條魚新鮮到不得了，肉質嫩滑，清蒸得啱啱好，保持住魚嘅鮮甜味👍🏻而紅燒珍菌扒豆腐$108就有交易。豆腐外層煎得金黃，內裡綿滑，加上珍菌，紅燒汁滲透得啱啱好，味道豐富，仲配有菜心。雲耳勝瓜炒牛仔肉$128。牛仔肉炒得嫩滑，份量夠多。勝瓜外爽內裡又軟腍，仲帶有淡淡嘅清甜味。至於鮑汁玉掌皇扣原隻八頭鮑魚，每位只需$68。鮑魚煮得入味，玉掌皇亦都非常軟腍，鮑汁濃郁，抵食！最後，餐廳仲送甜品熱豆腐花，滑溜溜嘅質感，甜度適中，好滿足！呢度食物有水準又大份，價錢抵食，一家人聚餐或者朋友聚會都好啱！